ڪراچي (بيورو) سنڌ جي وڏي وزير سيد مراد علي شاهه جي صدارت هيٺ امن امان بابت اهم اجلاس ڏھاڙي وزيراعليٰ هائوس ۾ ٿيو. اجلاس ۾ صوبائي مڪاني ادارن وارو وزير سيد ناصر حسين شاهه، قانون وارو صلاحڪار مرتضيٰ وهاب، چيف سيڪريٽري سهيل راجپوت، آءِ جي پوليس غلام نبي ميمڻ، ايڊيشنل آءِ جيز ۽ وڊيو لنڪ ذريعي ڊي آءِ جيز ۽ ايس ايس پيز شرڪت ڪئي. اجلاس ۾ وڏي وزير سيد مراد علي شاهه امن امان جو جائزو ورتو ۽ پوليس آفيسرن کي صوبي جي سمورن ضلعن ۾ امن امان برقرار رکڻ لاءِ ضروري هدايتون ڏنيون ۽ محرم الحرام دوران سيڪيورٽي جي حوالي سان ضروري اپاءَ وٺڻ جو حڪم ڏنو.
